Fylkesprisen Årets Bedrift 2021 gjekk til Nansen Polar Expeditions AS frå Smøla. Bedrifta bygger ekspedisjonar, tilpassa etter kunden sine ønske. Dei har to ekspedisjonsskip og arrangerer ekspedisjonar både i Arktis og Antarktis. Nansen Polar Expeditions AS brukar lokale råvarer og har fått ekstrem internasjonal merksemd. Les meir om prisvinnarane og utdelinga på mrfylke.no

Hjørundfjord Kulturvernlag tildelt Fylkeskulturprisen 2022. Kulturvernlaget har som oppgåve å ta vare på og restaurere fysiske kulturminne, registrere kulturminne og hjelpe eigarar av kulturminne med å ta vare på desse. Dei var ein sterk pådrivar for at Hjørundfjorden er med i ordninga Utvalde kulturlandskap (UKL) Du kan sjå intervju med prisvinnarane frå utdelinga i desember

Nordic Wildfish frå Valderøya i Giske fekk tildelt Miljøprisen 2022. – Nordic Wildfish er eit forbilde for andre som driv innan fiskeribransjen i Møre og Romsdal. Dei er med på å bevisstgjere næringa om kva påverknad dei har på havet og det marine miljøet, og på å skape haldningsendringar blant tilsette og alle som jobbar med havnæringar, sa Henrik Stensønes (Sp), leiar i kultur-, næring- og folkehelseutvalet. Du kan sjå intervju med prisvinnarane frå utdelinga i desember

Møbelprodusenten Ekornes mottok inkluderings- og mangfaldsprisen 2021. - Fast arbeid gir unike moglegheiter til integrering og forankring i lokalsamfunna våre, og det er ein døropnar til det norske samfunnet. Gjennom godt arbeid og ein god kultur har dei vist ein stor innsats for å skape like moglegheiter, meir inkludering og mangfald i arbeidslivet, sa Marit Krogsæter (Sp), leiar i kultur-, næring- og folkehelseutvalet. Sjå videointervju med prisvinnarane frå utdelinga

Iver Hamre frå Rauma vart kåra til årets lærling. Isterk konkurranse med 29 andre nominerte, skilte Iver seg ut. Lærlingen i bilfaget leverte ei fagprøve utanom det vanlege, og i følge lærebedrifta tok han utfordringar på strak arm og leverte høg fagleg kvalitet gjennom heile læretida. Du kan lese meir på mrfylke.no

Nyttårskonferansen deler ut prisen Årets regionbyggar til ein person, organisasjon, bedrift eller offentleg aktør som har utmerka seg på ei enkeltsak eller over tid som ei samlande kraft i fylket - eller har tatt spesielt initiativ som bygger Møre og Romsdal saman.

I 2021 gjekk prisen til Ungt Entreprenørskap Møre og Romsdal. «Organisasjonen jobbar innovativt med ei inkluderande arbeidsform som engasjerer og inkluderer mange både i privat næringsliv og verkemiddelapparatet i tillegg til ungdommane sjølve. Ungt Entreprenørskap gir barn og unge rom for skaparglede og mestringsfølelse», seier juryen i sin uttale. Les meir om prisen på mrfylke.no

I frivilligåret 2022 vart 21 kandidatar frå heile fylket nominert til Frivilligprisen. Vinnaren av prisen vart Bjørg Bergem frå Averøy. I følgje juryen er prisvinnaren rett og slett eit godt medmenneske: I fleire år har ho invitert einslege til julaften og arrangert 17.mai-fest for heile kommunen, tillegg til omfattande dugnadsinnsats og frivillig arbeid på mange område, over lang tid. Du kan lese meir om prisen på mrfylke.no